Kesi Ya Kulawiti Inayomkabili Mwenyekiti Wa CCM Yapigwa Kalenda hadi Juni 26>>>SOMA HAPA

1.Kesi ya Kulawiti:

KESI ya kulawiti inayomkabili Mwenyekiti wa Chama Cha Mapindizi (CCM) wilaya ya Uyui mkoani Tabora,  Mussa Ntimizi, imeahirishwa hadi Juni 26 mwaka huu itakapotajwa tena.

Wakili wa Serikali,  Juma Massanja,  alisema kesi hiyo imeahirishwa kutokana na kutohudhuria  mashahidi wa upande wa mashtaka. Ilisomwa juzi mbele ya Hakimu Jocktan Rushwera.

Mwisho

-------

2.Kesi ya vigogo   Julai 21

KESI inayowakabili vigogo watatu wa Serikali ya matumizi mabaya ya madaraka na kutumia vibaya nyaraka mbalimbali kumtapeli  mwajiri  wao, jana iliahirishwa katika Mahakama ya Wilaya ya Nyamagana hadi july 21.

Vigogo waliofikishwa  mahakamani jana ni Mkurugenzi wa Halmashauri ya Wilaya ya Msalala Mkoa wa Shinyanga, Patrick Karangwa (45), Mkurugenzi wa Halmashauri ya Wilaya ya Magu Mkoa wa Mwanza, Ntinika Paul (51) na Mhasibu Mkuu wa Wilaya ya Magu, Mathayo Masuka.

MWISHO

3.Jeshi Latoa  Elimu kwa wananchi  

JESHI  la Polisi mkoani Mwanza limeamua kutoa elimu kwa wananchi  wa Kata ya Kishiri iliyopo wilayani Nyamagana   kwa lengo la kuacha kujichukulia sheria mkononi.

Hatua ya jeshi hilo kutoa elimu imetokana na vitendo vya wananchi wa eneo hilo kujichukulia sheria mikononi ambako hivi karibuni   polisi PC Magesa aliuawa na wananchi kwa kile kilichodaiwa alikuwa amekusudia kuiba mafuta kwenye minara.