NINI CHA KULA AU KUTOKULA PUNDE UMALIZAPO KUFANYA MAZOEZI

Mazoezi ni miongoni mwa vitu, vinavyosisitizwa na wataalamu wa afya kwa ustawi wa mwili wa binadamu huku yakiwa na mchango mkubwa katika kuukinga mwili na marathi mbalimbali.

Mwili wa binadamu ukiachilia kufuata utaratibu wa lishe iliyokamilika wataalamu wanasema kinachofuata ni mazoezi ili kuuweka fiti na kuupa nguvu ya kupambana na kila kinachokujambele yake.

Kwa maana hiyo, pamoja na kula mlo kamili, kunywa maji kwa wingi, bado mwili unahitaji mazoezi ili kukamilisha kinga na uimara wa kujikinga na marathi ya kuwa mwenye afya njema muda wote.

Kama ilivyo ni muhimu kuyafanya kuna vyakula pia ambavyo ni hatari kula saa mbili baada ya kufanya mazoezi hasa vile vyenye sukari nyingi hatari yake ni kuharibu kile chote ulichochokipata kwa kufanya mazoezi.

Wataalamu wa afya wamebainisha kuwa kutumia vitu vya sukari saa mbili baada ya kufanya mazoezi huharibu mfumo mzima wa ulichokifanya kwa makusudi ya kujenga mwili na badala yake huzalisha homoni bila mpangilio wowote.

wameeleza kuwa utumiaji wa vyakula vya sukari hata hii ya majumbani saa mbili baada ya kufanya mazoezi huvuruga mfumo wa homoni na ukuaji wa mwili, huku ukiharibu mfumo wa urekebishwaji kwa kiwango cha sukari mwilini unaoweza kukusababishia ugonjwa wa kisukari.

Pia wataalamu hao wamebainisha kuwa ni vyema baada kumaliza mazoezi kula vyakula vyenye kiwango kidogo cha wanga ambavyo huepusha magonjwa ya kisukari na magonjwa ya moyo.

Kwa hapa nyumbani, hivi vyakula vya wanga ni viazi, mkate mweupe, na hata muhogo.

Wataalamu hao wamesema kuwa mbali na vyakula vyenye sukari, ni vyema pia kujiepusha kunywa juisi au vinywaji vingine baridi vyenye sukari ya viwandani kwa sababu kujiepusha navyo ni kuepuka kubadili mpangilio mzima wa mwili.

Ushauri huu ni mzuri kuzingatiwa hasa wale ambao wanafanya mazoezi kwa lengo la kupunguza mwili kwani utakuwa wamefanikiwa kupunguza mafuta huku ukiwa katika mpangilio mzuri pia hata wanaofanya mazoezi ya kurekebisha mwili.

Muhimu kwa kila anayefanya mazoezi mara baada ya kumaliza ni kunywa maji mengi ili kurudisha yale yaliyotoka kwa njia ya jasho.

Sasa mara baada ya kufanya mazoezi tafadhali usitumie vitu hivi

– Maji ya baridi

– Chai

– Kula wali

– Soda

– Juisi

Ila baada ya mazoezi

– Kunywa maji ya kawaida

– Tulia kwa muda kabla ya kwenda kuoga

– Kula vyakula vyenye wanga kama mkate, mhogo kama upo nyumbani, na viazi