NIT Kupima Magari Yote Yaliyoingia Nchini Bila Kukaguliwa.>>

Shirika la viwango Tanzania (TBS) lilianzisha huduma ya kukagua magari yaliyotumika kutoka nje ya nchi tangu mwaka wa 2002.

Lengo ni kuhakikisha magari yaliyotumika yanayoagizwa kutoka nje ya nchi yanakidhi kiwango cha magari yaliyotumika na yanafaa kuendeshwa barabarani. TBS imekuwa ikipata mawakala wa ukaguzi wa magari nje ya nchi kwa kutangaza zabuni za kimataifa.

 

Kupima ubora wa bidhaa yakiwemo magari kwenye nchi zinakotengenezwa au kutoka kabla ya kusafirishwa kuingia nchini husaidia kujua bidhaa hizo yakiwemo magari kama yamekidhi kiwango, na kuwa hazina siyo hatari kwa afya ya watumiaji na mazingira.

 

Huduma hii hurahishisha uingizwaji wa bidhaa na kuvikinga viwanda vya ndani dhidi ya ushindani usio halali kutokana na uingizwaji wa bidhaa hafifu.

 

Shirika la Viwango Tanzania (TBS) linapenda kuufahamisha umma wa Watanzania na waagizaji wa magari yaliyotumika kutoka nje ya nchi kuwa TBS wamesaini hati ya makubaliano na Taasisi ya Usafirishaji ya Taifa (NIT), kwa ajili ya upimaji wa magari yote ambayo hayakukaguliwa ubora wake katika nchi yalipotoka kabla ya kuingia nchini Tanzania.

 

Hivyo kuanzia tarehe 01-07-2015, NIT wataanza rasmi kupima magari yote yaliyoingia nchini bila kukaguliwa.

 

Gharama za ukaguzi na upimaji ni kama ifuatavyo;

1. Magari yanayotoka nchi ambazo TBS ina wakala wa upimaji wa magari yaliyotumika

N.B: Kiwango cha chini cha faini kitakachotozwa ni TZS 800,000 Shirika la Viwango Tanzania (TBS) linapenda kuwakumbusha waagizaji wa magari kutoka nchi za Uingereza, Japan na Umoja wa Falme za Kiarabu kuwa ni lazima kukagua magari yote yaliyotumika kabla ya kusafirishwa kuja Tanzania.

 

2. Magari yanayotoka nchi ambazo TBS haina wakala wa upimaji wa magari yaliyotumika

 

Waagizaji wa magari yaliyotumika kutoka nchi ambako TBS haijateua wakala wa ukaguzi hawatalipa faini bali watalipa ada ya ukaguzi USD 140 pamoja na TZS 30,000 kama ada ya huduma.

 

Limetolewa na:

Mkurugenzi Mkuu,

Shirika la Viwango Tanzania,

S.L.P. 9524,

Dar Es Salaam,

Simu: +255(022) 2450206

Hotline:+0800110827

Barua pepe: info@tbs.go.tz

Tovuti: www.tbs.go.tz