Serikali Yatoa Onyo Kwa Raia Wa Kigeni>>

IDARA  ya Uhamiaji Mkoa wa Shinyanga imesema  imebaini kuwabaadhi ya raia wa kigeni wanatafuta mbinu ya kujiandikisha kwenye daftari la kudumu la wapiga kura.

 

Imesema   imejipanga kuhakikisha raia hao hawapati nafasi yoyote ya kujiandikisha huku ikiwaonya wakazi na waandikishaji wa daftari la kudumu la wapiga kura kupitia mfumo mpya wa BVR kuwa makini na wageni  hao.

 

Ofisa Uhamiaji Mkoa wa Shinyanga, Anna- maria Yondani, aliwataka wakazi na waandikishaji  kufanya kazi kwa kushirikiana na kutoa taarifa pale watakapobaini kuna raia anataka kujiandikisha.

 

Yondani alisema   uandikishaji ni mahsusi kwa raia wa Tanzania tu  hivyo watu wasio raia wa Tanzania wasithubutu kusogea eneo la uandikishaji kwa kufanya hivyo hatua za sheria zitachukuliwa dhidi yao